kaun rahtaa hai safar mein 'umr bhar — Avneesh Trivedi Abhay

shajar mahfuz aangan kaa rakho tum
parinde chahchahaanaa chaahte hain

ghar banaane mein 'umr lagti hai
ghar mein bante makaan dekhe hain

khiDki ke apni us ne bhi parde giraa liye
mere bhi raaste ki rukaavaT nahin rahi

tanhaaiyaan safar mein musalsal bani rahin
phir bhi tumhaaraa naam pukaare chale gae

khaTkhaTaayaa gayaa hai dar itnaa
dastakon ke nishaan dekhe hain

mujhe bhi paDh liyaa hotaa sabhi ne
miraa lahja agar akhbaar hotaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai