ab ke taabir masala na rahe — Bakul Dev

muskuraane kaa fan to baa'd kaa hai
pahle saaat kaa intikhaab karo

aaine mein hai phir vahi surat
yuun hi hoti hai tarjumaani kyaa

vahi aansu vahi maazi ke qisse
jise dekho kaTe ko kaaTtaa hai

havas shaamil hai thoDi si duaa mein
abhi is lau mein halkaa saa dhuaan hai

shaam utri hai phir ahaate mein
jism par raushni ke ghaav liye

samundar hai koi aankhon mein shaayad
kinaaron par chamakte hain guhar se

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

bin dekhe us ke jaave ranj o azaab kyuun kar
vo khvaab mein to aave par aave khvaab kyuun kar

mat bakht-e-khufta par mire hans ai raqib tu
hogaa tire nasib bhi ye khvaab dekhnaa

muddat ke baad khvaab mein aayaa thaa meraa baap
aur us ne mujh se itnaa kahaa khush rahaa karo

rahaa khvaab mein un se shab bhar visaal
mire bakht jaage main soyaa kiyaa