aazmaa lo ki dil ko chain aae — Baqar Mehdi

aisi begaanagi nahin dekhi
ab kisi kaa koi yahaan na rahaa

faasle aise ki ik umr mein tai ho na sakein
qurbatein aisi ki khud mujh mein janam hai us kaa

mere sanam-kade mein kai aur but bhi hain
ik meri zindagi ke tumhin raaz-daan nahin

mujhe dushman se apne ishq saa hai
main tanhaa aadmi ki dosti huun

chale to jaate ho ruThe hue magar sun lo
har ek moD pe koi tumhein sadaa degaa

jaane kyuun un se milte rahte hain
khush vo kyaa honge jab khafaa hi nahin

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kyaa kyaa rog lage hain dil ko kyaa kyaa un ke bhed
ham sab ko samjhaane vaale kaun hamein samjhaae

kar na jurat tu ai tabib ki ye
dil kaa dhaDkaa hai ikhtilaaj nahin

chali samt-e-ghaib siin kyaa havaa ki chaman zuhur kaa jal gayaa
magar ek shaakh-e-nihaal-e-gham jise dil kaho so hari rahi

chaand ne taan li hai chaadar-e-abr
ab vo kapDe badal rahi hogi