zindagi us ne badal kar miri rakh di aisi — Barqi Azmi

samajh rahaa thaa jise khair-khvaah main apnaa
vahi hai dushman-e-jaan meraa sab se baDh kar aaj

ruThne aur manaane ke ehsaas mein hai ik kaif-o-surur
main ne hamesha use manaayaa vo bhi mujhe manaae to

is haal mein kab tak yunhi ghuT ghuT ke jiyungaa
ruThaa hai vo aise ki manaa bhi nahin saktaa

huaa karbalaa mein jo qurbaan 'barqi'
husain ibn-e-haidar kaa vo khaandaan thaa

chappa chappa us ki gali kaa rahaa hai mere zer-e-qadam
josh-e-junun se azm-e-safar tak ek kahaani biich mein hai

ab main huun aur khvaab-e-pareshaan hai mere saath
kitnaa paDegaa aur abhi jaagnaa mujhe

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ab aap khud hi bataaein ye zindagi kyaa hai
karam bhi us ne kiye hain magar sitam jaise

har nafas minnat-kash-e-aalaam hai
zindagi shaayad isi kaa naam hai

maut ki aarzu mein divaane
umr-bhar zindagi se laDte hain