ab aap khud hi bataaein ye zindagi kyaa hai — Ajmal Siraj

ye bhi tai hai ki jo boeinge vo kaaTeinge yahaan
aur ye bhi ki jo khoeinge vahi paaeinge

bas ek shaam kaa har shaam intizaar rahaa
magar vo shaam kisi shaam bhi nahin aai

kyaa kahegaa kabhi milne bhi agar aaegaa vo
ab vafaadaari ki qasmein to nahin khaaegaa vo

ye jo ham khoe khoe rahte hain
is mein kuchh dakhl hai tumhaaraa bhi

gham sabhi dil se rukhsat hue
dard be-intihaa rah gayaa

main ne ai dil tujhe siine se lagaayaa huaa hai
aur tu hai ki miri jaan ko aayaa huaa hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

dil mein jo mohabbat ki raushni nahin hoti
itni khubsurat ye zindagi nahin hoti

ik din vo mil gae the sar-e-rahguzar kahin
phir dil ne baiThne na diyaa umr bhar kahin

tum nahin paas koi paas nahin
ab mujhe zindagi ki aas nahin