gauhar-e-maqsad mile gar charkh-e-minaai na ho — Bayan Meeruthi

yaad mein khvaab mein tasavvur mein
aa ki aane ke hain hazaar tariq

kabhi hansaayaa kabhi rulaayaa kabhi rulaayaa kabhi hansaayaa
jhijak jhijak kar simaT simaT kar lipaT lipaT kar dabaa dabaa kar

nahin ye aadmi kaa kaam vaaiz
hamaare but taraashe hain khudaa ne

lahu Tapkaa kisi ki aarzu se
hamaari aarzu Tapki lahu se

adaaein taa-abad bikhri paDi hain
azal mein phaT paDaa joban kisi kaa

dil aayaa hai qayaamat hai miraa dil
uThe taazim de joban kisi kaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

koi shikva na gham na koi yaad
baiThe baiThe bas aankh bhar aai

zindagi kaa har ik gham uThaate hue
main sanbhalne lagaa laDkhaDaate hue

vo mere raaz mujh mein chaahtaa hai munkashif karnaa
mujhe mere ghane saae mein tanhaa chhoD jaataa hai