vo the javaab ke saahil pe muntazir lekin — Bekal Utsahi

har ek lahza miri dhaDkanon mein chubhti thi
ajiib chiiz mire dil ke aas-paas rahi

chaandi ke gharondon ki jab baat chali hogi
miTTi ke khilaunon se bahlaae gae honge

biich saDak ik laash paDi thi aur ye likkhaa thaa
bhuuk mein zahrili roTi bhi miThi lagti hai

log to jaa ke samundar ko jalaa aae hain
main jise phunk kar aayaa vo miraa ghar niklaa

khudaa kare miraa munsif sazaa sunaane par
miraa hi sar mire qaatil ke ru-ba-ru rakh de

yuun to kai kitaabein paDhin zehn mein magar
mahfuz ek saada varaq der tak rahaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

pyaaso raho na dasht mein baarish ke muntazir
maaro zamin pe paanv ki paani nikal paDe

ye vaqt band darichon pe likh gayaa 'qaisar'
main jaa rahaa huun miraa intizaar mat karnaa

na niind aankhon mein baaqi na intizaar rahaa
ye haal thaa to koi nek kaam kyaa karte

kaali ghaTaa kab aaegi fasl-e-bahaar mein
aankhein safed ho gaiin is intizaar mein