subh aati hai dabe paanv chali jaati hai — Chandrabhan Khayal

vaqt aur haalaat par kyaa tabsira kiije ki jab
ek uljhan dusri uljhan ko suljhaane lage

nazar mein shokh shabihein liye hue hai sahar
abhi na koi idhar se dhuaan dhuaan guzre

sochtaa huun to aur baDhti hai
zindagi hai ki pyaas hai koi

apni divaaron se kuchh baahar nikal
sirf khaali ghar ke baam-o-dar na dekh

shahr mein jurm-o-havaadis is qadar hain aaj-kal
ab to ghar mein baiTh kar bhi log ghabraane lage

paas se dekhaa to jaanaa kis qadar maghmum hain
an-ginat chehre ki jin ko shaadmaan samjhaa thaa main

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

aankhon mein meri subh-e-qayaamat gai jhamak
siine se us pari ke jo parda ulaT gayaa

jo nahin hai vaqt kaa ham-safar use subh-o-shaam ki kyaa khabar
ho kisi kaa vaqt pe kyaa asar bhalaa vaqt kis kaa ghulaam hai

yuun ehtimaam-e-radd-e-sahar kar diyaa gayaa
har raushni ko shahr-badar kar diyaa gayaa

baad taklif ke raahat hai yaqini 'vaahid'
raat kaa aanaa hi paighaam-e-sahar hotaa hai