lipaT jaate hain vo bijli ke Dar se — Dagh Dehlvi

hazrat-e-'daagh' hai ye kucha-e-qaatil uThiye
jis jagah baiThte hain aap to jam jaate hain

dil hi to hai na aae kyuun dam hi to hai na jaae kyuun
ham ko khudaa jo sabr de tujh saa hasin banaae kyuun

baad muddat ke ye ai 'daagh' samajh mein aayaa
vahi daanaa hai kahaa jis ne na maanaa dil kaa

na ronaa hai tariqe kaa na hansnaa hai saliqe kaa
pareshaani mein koi kaam ji se ho nahin saktaa

sar miraa kaaT ke pachhtaaiyegaa
jhuTi phir kis ki qasam khaaiyegaa

kal tak to aashnaa the magar aaj ghair ho
do din mein ye mizaaj hai aage ki khair ho

mauj-e-dariyaa kaa koi khauf nahin hai lekin
hain tabi'at pe giraan-baar kinaare is ke

kuchh is tarah ke bahaaron ne gul khilaae hain
ki ab to fasl-e-bahaaraan se Dar lage hai mujhe

jo hain mast-e-alast un ko khumaar-o-sukr kaa Dar kyaa
nigaah-e-tishna-kaam-e-ishq hi dast-e-mughaan tak hai

khauf ik bulandi se pastiyon mein rulne kaa
aab-ju mein rahtaa hai aur nazar nahin aataa

qabl-e-aaghaaz hi anjaam kaa Dar hotaa hai
dur-andesh baDaa tang-nazar hotaa hai

''qafas mein mujh se rudaad-e-chaman kahte na Dar hamdam''
chalaa hai jis pe ''bulldozer'' vo meraa hi makaan kyuun ho?