bahut kahti rahi aandhi se chiDiyaa — Fahmi Badayuni

kaash vo raaste mein mil jaae
mujh ko munh pher kar guzarnaa hai

khuun pilaa kar jo sher paalaa thaa
us ne circus mein naukri kar li

pareshaan hai vo jhuTaa ishq kar ke
vafaa karne ki naubat aa gai hai

Tahalte phir rahe hain saare ghar mein
tiri khaali jagah ko bhar rahe hain

aaj paivand ki zarurat hai
ye sazaa hai rafu na karne ki

puchh lete vo bas mizaaj miraa
kitnaa aasaan thaa ilaaj miraa

main baDaa ho gayaa huun magar bachpanaa
mere dil se kabhi bhi gayaa hi nahin

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan

umr hi teri guzar jaaegi un ke hal mein
teraa bachcha jo savaalaat liye baiThaa hai

ghar se niklun to khilaune bhi uThaa letaa huun
mujh se rote hue bachche nahin dekhe jaate

is dafa bachcha samajh kar chhoDe detaa huun tujhe
maar Daalungaa agar baar-e-digar paidaa huaa

mai ko jo istilaah mein kahte hain dukht-e-raz
vo mughbacha hai rindon kaa saalaa kahein jise