ab apnaa ikhtiyaar hai chaahe jahaan chalein — Faiz Ahmad Faiz

na gul khile hain na un se mile na mai pi hai
ajiib rang mein ab ke bahaar guzri hai

aae kuchh abr kuchh sharaab aae
is ke baa'd aae jo azaab aae

aae to yuun ki jaise hamesha the mehrbaan
bhule to yuun ki goyaa kabhi aashnaa na the

raat yuun dil mein tiri khoi hui yaad aai
jaise viraane mein chupke se bahaar aa jaae

khair dozakh mein mai mile na mile
shaikh-saahab se jaan to chhuTegi

sab qatl ho ke tere muqaabil se aae hain
ham log surkh-ru hain ki manzil se aae hain

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

jab ki pahlu se yaar uThtaa hai
dard be-ikhtiyaar uThtaa hai

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaad aai hai to phir TuuT ke yaad aai hai
koi guzri hui manzil koi bhuli hui dost