ik tarz-e-taġhāful hai so vo un ko mubārak — Faiz Ahmad Faiz

dil nā-umīd to nahīñ nākām hī to hai
lambī hai ġham kī shaam magar shaam hī to hai

ye daaġh daaġh ujālā ye shab-gazīda sahar
vo intizār thā jis kā ye vo sahar to nahīñ

haañ nukta-varo laao lab-o-dil kī gavāhī
haañ naġhmagaro sāz-e-sadā kyuuñ nahīñ dete

kab Thahregā dard ai dil kab raat basar hogī
sunte the vo ā.eñge sunte the sahar hogī

jo talab pe ahd-e-vafā kiyā to vo ābrū-e-vafā ga.ī
sar-e-ām jab hue mudda.ī to savāb-e-sidq-o-vafā gayā

''aap kī yaad aatī rahī raat bhar''
chāñdnī dil dukhātī rahī raat bhar

Hazaaron khwahishein aisi ke har khwahish pe dam nikle
Bahut nikle mere armaan, lekin phir bhi kam nikle

ab to ye aarzū hai ki vo zaḳhm khā.iye
tā-zindagī ye dil na koī aarzū kare

ye kam-baḳht ik jahān-e-ārzū hai
na ho koī hamārā dil ho ham huuñ

rahī na tāqat-e-guftār aur agar ho bhī
to kis umiid pe kahiye ki aarzū kyā hai

nazar-e-taġhāful-e-yār kā gila kis zabāñ siiñ karūñ bayāñ
ki sharāb-e-sad-qadah aarzū ḳhum-e-dil meñ thī so bharī rahī

maiñ ghar se terī tamannā pahan ke jab niklūñ
barahna shahr meñ koī nazar na aa.e mujhe