''aap ki yaad aati rahi raat bhar'' — Faiz Ahmad Faiz

na jaane kis liye ummid-vaar baiThaa huun
ik aisi raah pe jo teri rahguzar bhi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

har sadaa par lage hain kaan yahaan
dil sambhaale raho zabaan ki tarah

ai zulm ke maato lab kholo chup rahne vaalo chup kab tak
kuchh hashr to un se uTThegaa kuchh duur to naale jaaeinge

chaman pe ghaarat-e-gul-chin se jaane kyaa guzri
qafas se aaj sabaa be-qaraar guzri hai

karo kaj jabin pe sar-e-kafan mire qaatilon ko gumaan na ho
ki ghurur-e-ishq kaa baankpan pas-e-marg ham ne bhulaa diyaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

faraaghat se duniyaa mein har dam na baiTho
agar chaahte ho faraaghat ziyaada

mujhe pata hai usi ne chalaai hai goli
nahin hai dasht mein sayyaad dusraa koi

vahm hi vahm mein apni hui auqaat basar
kamar-e-yaar ko bhule to dahan yaad aayaa

tumhaari yaad kaa chehra hamaare dard kaa rang
nikhar gae hain sabhi ashk-baar hone se