dil-e-marhum ko khudaa bakhshe — Fani Badayuni

yuun na qaatil ko jab yaqin aayaa
ham ne dil khol kar dikhaai choT

vahm-o-qayaas ke sivaa haasil-e-hosh kuchh nahin
fahm ki ibtidaa hai vahm aql ki had qayaas hai

har nafas umr-e-guzishta ki hai mayyat 'faani'
zindagi naam hai mar mar ke jiye jaane kaa

har musibat kaa diyaa ek tabassum se javaab
is tarah gardish-e-dauraan ko rulaayaa main ne

maujon ki siyaasat se maayus na ho 'faani'
girdaab ki har tah mein saahil nazar aataa hai

yaa-rab tiri rahmat se maayus nahin 'faani'
lekin tiri rahmat ki taakhir ko kyaa kahiye

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ik Tiis jigar mein uThti hai ik dard saa dil mein hotaa hai
ham raat ko royaa karte hain jab saaraa aalam sotaa hai

saae gali mein jaagte rahte hain raat bhar
tanhaaiyon ki oT se jhaankaa na kar mujhe

ham apne shahr se ho kar udaas aae the
tumhaare shahr se ho kar udaas jaanaa thaa