puchho zaraa ye chaand se kaise sahar hui — Farah Shahid

taqsim phir hui hai viraasat kuchh is tarah
ik maan zamin pe dekhiye phir dar-ba-dar hui

kuchh is tarah qarib vo aayaa mire liye
us ki tavajjoh pyaar mein chaahat kaa ghar hui

main kaisi raahon mein kho gai huun
sabhi qusur intikhaab mein hai

khushiyaan jo baT rahi thiin vo ham ko nahin milin
aai hamaari baari to vaapas nazar hui

vo yuun to lagtaa hai sab ke jaisaa
magar judaa kuchh janaab mein hai

main us ki ankhon mein aise Duubi
ki Duubaa koi chanaab mein hai

jhaankte raat ke garebaan se
ham ne sau aaftaab dekhe hain

shor din ko nahin sone detaa
shab ko sannaaTaa jagaa detaa hai

raushni ho rahi hai kuchh mahsus
kyaa shab aakhir tamaam ko pahunchi

bahut hasin raat hai magar tum to so rahe ho
nikal ke kamre se ik nazar chaandni to dekho

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

kahun ai zauq kyaa haal-e-shab-e-hijr
ki thi ik ik ghaDi sau sau mahine