main kisi ke saath huun aur vo kisi ke saath hai — Farhat Zahid

khizaan ke aakhiri din the vo khushbu maangne aayaa
miraa daaman hi khaali thaa main us ko phuul kyaa deti

maan ban chuki huun main bhi magar us se kyaa kahun
jo apni maan ke pyaar se aage na jaa sakaa

ajiib rut hai ye hijr-o-visaal se aage
kamaal hone lagaa hai kamaal se aage

alfaaz na aavaaz na hamraaz na dam-saaz
ye kaise doraahe pe main khaamosh khaDi huun

vo aae to rang sanvarne lagte hain
jaise bichhDaa yaar bhi koi mausam hai

aurat huun magar surat-e-kohsaar khaDi huun
ik sach ke tahaffuz ke liye sab se laDi huun

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi qarib hai kis qadar jamaal se
jab koi sanvar gayaa zindagi sanvar gai

main zindagi ki kitaab mein ik fasaana-e-be-asar nahin thi
varaq ko jaldi ulaT gae tum main qissa-e-mukhtasar nahin thi

ab tavajjoh hi nahin un ki to kyaa rang-e-hayaat
muft kaa ilzaam hai ye zindagi kaahe ko hai