ik khauf saa darakhton pe taari thaa raat-bhar — Fuzail Jafri

aaThon pahr lahu mein nahaayaa kare koi
yuun bhi na apne dard ko dariyaa kare koi

zahr miThaa ho to piine mein mazaa aataa hai
baat sach kahiye magar yuun ki haqiqat na lage

dasht-e-tanhaai mein jiine kaa saliqa sikhiye
ye shikasta baam-o-dar bhi ham-safar ho jaaeinge

bose biivi ke hansi bachchon ki aankhein maan ki
qaid-khaane mein giraftaar samajhiye ham ko

koi manzil aakhiri manzil nahin hoti 'fuzail'
zindagi bhi hai misaal-e-mauj-e-dariyaa raah-rau

ghar se baahar nahin niklaa jaataa
raushni yaad dilaati hai tiri

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

ThanDi chaae ki pyaali pi ke
raat ki pyaas bujhaai hai

bahut tavil shab-e-gham hai kyaa kiyaa jaae
umid-e-subh bahut kam hai kyaa kiyaa jaae

jab se ik khvaab ki taabir mili hai mujh ko
main har ik khvaab ki taabir se ghabraataa huun