ye log kis ki taraf dekhte hain hasrat se — Ghulam Murtaza Rahi

dekhne sunne kaa maza jab hai
kuchh haqiqat ho kuchh fasaana ho

hisaar-e-jism miraa toD-phoD Daalegaa
zarur koi mujhe qaid se chhuDaa legaa

ab aur der na kar hashr barpaa karne mein
miri nazar tire didaar ko tarasti hai

chale the jis ki taraf vo nishaan khatm huaa
safar adhuraa rahaa aasmaan khatm huaa

har ek saans mujhe khinchti hai us ki taraf
ye kaun mere liye be-qaraar rahtaa hai

sahraa jangal saagar parbat
in se hi rasta miltaa hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

aarzu hai tujhe baaton mein lagaa kar ik din
ek muhtaat saliqe se bikhartaa dekhein

baDi hasrat se insaan bachpane ko yaad kartaa hai
ye phal pak kar dobaara chaahtaa hai khaam ho jaae

tamannaa jo na rakhtaa ho jhukaae vo nazar kis se
use shaadi o gham kis kaa use suud o zarar kis se

hansi mein Taal de phir se hamaari har khvaahish
phir ek baar thapak de hamaaraa gaal zaraa