aane vaale jaane vaale har zamaane ke liye — Hafeez Jalandhari

'hafiz' apni boli mohabbat ki boli
na urdu na hindi na hindostaani

vafaa jis se ki bevafaa ho gayaa
jise but banaayaa khudaa ho gayaa

iraade baandhtaa huun sochtaa huun toD detaa huun
kahin aisaa na ho jaae kahin aisaa na ho jaae

doston ko bhi mile dard ki daulat yaa rab
meraa apnaa hi bhalaa ho mujhe manzur nahin

ai miri jaan apne ji ke sivaa
kaun teraa hai kaun meraa hai

dekhaa jo khaa ke tiir kamin-gaah ki taraf
apne hi doston se mulaaqaat ho gai

ret par ik nishaan hai shaayad
ye hamaaraa makaan hai shaayad

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

pyaaso raho na dasht mein baarish ke muntazir
maaro zamin pe paanv ki paani nikal paDe