ai 'hafiz' aah aah par aakhir — Hafeez Jalandhari

ai miri jaan apne ji ke sivaa
kaun teraa hai kaun meraa hai

'hafiz' apni boli mohabbat ki boli
na urdu na hindi na hindostaani

iraade baandhtaa huun sochtaa huun toD detaa huun
kahin aisaa na ho jaae kahin aisaa na ho jaae

doston ko bhi mile dard ki daulat yaa rab
meraa apnaa hi bhalaa ho mujhe manzur nahin

vafaa jis se ki bevafaa ho gayaa
jise but banaayaa khudaa ho gayaa

dekhaa jo khaa ke tiir kamin-gaah ki taraf
apne hi doston se mulaaqaat ho gai

jab ki pahlu se yaar uThtaa hai
dard be-ikhtiyaar uThtaa hai

didaar kaa mazaa nahin baal apne baandh lo
kuchh mujh ko sujhtaa nahin andhiyaari raat hai

is jabin-e-araq-afshaan pe na chuniye afshaan
ye sitaare kahin mil jaaein na sayyaaron mein

'mushafi' kyunke chhupe un se miraa dard-e-nihaan
yaar to baat ke andaaz se paa jaate hain

dud-e-aah-e-jigari kaam na aayaa yaaro
varna ru-e-shab-e-hijr aur bhi kaalaa kartaa

fan jo meaar tak nahin pahunchaa
apne shahkaar tak nahin pahunchaa