shaa'iri kyaa hai miri jaan tujhe maa'lum nahin — Haneef Najmi

tire gham ne 'ataa ki hai 'ajab paakizgi mujh ko
main rotaa huun to aankhon se miri zamzam nikaltaa hai

hai dida-var to ek nazar mein parakh mujhe
laazim nahin kisi ko kai baar dekhnaa

bhalaa vo khaak samjheinge khudaa kyaa hai khudi kyaa hai
jo ab tak ye nahin samjhe maqaam-e-aadmi kyaa hai

bisaat-e-khaak par behad qad-aavar lag rahe the jo
bulandi par pahunch kar vo bahut chhoTe nazar aae

ulajhnaa lafzon se sheva hai kam-nigaahon kaa
jo dida-var hain vo bainassutur dekhte hain

mili na ham ko shahaadat to kyaa ye kyaa kam hai
ki saari 'umr rah-e-karbalaa pe chalte rahe

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

'alvi' khvaahish bhi thi baanjh
jazba bhi naa-mard milaa

kuchh log jo savaar hain kaaghaz ki naav par
tohmat taraashte hain havaa ke dabaav par

apne hi fan ki aag mein jalte rahe 'shamim'
honTon pe sab ke hausla-afzaai rah gai

vahaan se hai miri himmat ki ibtidaa vallaah
jo intihaa hai tire sabr aazmaane ki

ye pyaar kaa jazba tire kuchh kaam to aae
meraa nahin bantaa hai to ban aur kisi kaa