shab-e-gham vahm suntaa hai sadaaein — Hari Chand Akhtar

ab aap aa gae hain to aataa nahin hai yaad
varna hamein kuchh aap se kahnaa zarur thaa

jinhein haasil hai teraa qurb khush-qismat sahi lekin
teri hasrat liye mar jaane vaale aur hote hain

milegi shaikh ko jannat, hamein dozakh ataa hogaa
bas itni baat hai jis baat par mahshar bapaa hogaa

rahe do do farishte saath ab insaaf kyaa hogaa
kisi ne kuchh likhaa hogaa kisi ne kuchh likhaa hogaa

agar teri khushi hai tere bandon ki masarrat mein
to ai mere khudaa teri khushi se kuchh nahin hotaa

hamein bhi aa paDaa hai doston se kaam kuchh yaani
hamaare doston ke bevafaa hone kaa vaqt aayaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi

kiyaa dard-o-gham ne mujhe naa-umid
ki majnun ko ye hi thiin bimaariyaan