vo ek raat ki gardish mein itnaa haar gayaa — Haseeb Soz

tu ek saal mein ik saans bhi na ji paayaa
main ek sajde mein sadiyaan kai guzaar gayaa

ye bad-nasibi nahin hai to aur phir kyaa hai
safar akele kiyaa ham-safar ke hote hue

yahaan mazbut se mazbut lohaa TuuT jaataa hai
kai jhuTe ikaTThe hon to sachchaa TuuT jaataa hai

meri sanjida tabiat pe bhi shak hai sab ko
baaz logon ne to bimaar samajh rakkhaa hai

ye intiqaam hai yaa ehtijaaj hai kyaa hai
ye log dhuup mein kyuun hain shajar ke hote hue

tere mehmaan ke svaagat kaa koi phuul the ham
jo bhi niklaa hamein pairon se kuchal kar niklaa

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

cigaretein chaae dhuaan raat gae tak bahsein
aur koi phuul saa aanchal kahin nam hotaa hai

khvaab mein bosa liyaa thaa raat ba-lab-e-naazuki
subh dam dekhaa to us ke honTh pe but-khaala thaa

uThaao camera tasvir khinch lo in ki
udaas log kahaan roz muskuraate hain