ye tajraba huaa hai mohabbat ki raah mein — Hastimal Hasti

khel zindagi ke tum khelte raho yaaro
haar jiit koi bhi aakhiri nahin hoti

pyaar kaa pahlaa khat likhne mein vaqt to lagtaa hai
nae parindon ko uDne mein vaqt to lagtaa hai

kuchh aur sabaq ham ko zamaane ne sikhaae
kuchh aur sabaq ham ne kitaabon mein paDhe the

hamein pasand nahin jang mein bhi makkaari
jise nishaane pe rakkhein bataa ke rakhte hain

kahin khulus kahin dosti kahin pe vafaa
baDe qarine se ghar ko sajaa ke rakhte hain

khud charaagh ban ke jal vaqt ke andhere mein
bhiik ke ujaalon se raushni nahin hoti

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

kahaa thaa tum ne ki laataa hai kaun ishq ki taab
so ham javaab tumhaare savaal hi ke to hain

aashiq hain ham ko harf-e-mohabbat se kaam hai
mullaa nikaaltaa phire matlab kitaab se

jaan ham kaar-e-mohabbat kaa sila chaahte the
dil-e-saada koi mazdur hai ujrat kaisi

kuchh harf o sukhan pahle to akhbaar mein aayaa
phir ishq miraa kucha o baazaar mein aayaa