kuchh harf o sukhan pahle to akhbaar mein aayaa — Irfan Siddiqi

bhuul jaaoge ki rahte the yahaan dusre log
kal phir aabaad kareinge ye makaan dusre log

sham-e-khema koi zanjir nahin ham-safaraan
jis ko jaanaa hai chalaa jaae ijaazat kaisi

us ki aankhein hain ki ik Dubne vaalaa insaan
dusre Dubne vaale ko pukaare jaise

khiraaj maang rahi hai vo shaah-baanu-e-shahr
so ham bhi hadiya-e-dast-e-talab guzaarte hain

hoshiyaari dil-e-naadaan bahut kartaa hai
ranj kam sahtaa hai elaan bahut kartaa hai

nafrat ke khazaane mein to kuchh bhi nahin baaqi
thoDaa saa guzaare ke liye pyaar bachaaein

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

dil se niklegi na mar kar bhi vatan ki ulfat
meri miTTi se bhi khushbu-e-vafaa aaegi

mohabbat ruup mein Dhalti to vo ik devtaa hotaa
main us ko pujne lagtaa agar vo baa-vafaa hotaa

main ne dekhe hain dahakte hue phulon ke jigar
dil-e-binaa mein hai vo nuur tumhein kyaa maalum

ek mohabbat kaafi hai
baaqi umr izaafi hai