bose lete hain chashm-e-jaanaan ke — Hatim Ali Mehr

ai buton allaah se li hai ijaazat vasl ki
kal hazaaron dekh Daale istikhaare raat ko

hai ye purab ki zabaan-daani 'mehr'
kahte hain baat ko ham suntaa huun

kaabe mein ham ko dair kaa har dam khayaal thaa
allaah jaantaa hai buton kaa rahaa lihaaz

dar-ba-dar maaraa-phiraa main justuju-e-yaar mein
zaahid-e-kaaba huaa rahbaan-e-but-khaana huaa

ye hind hai ai 'mehr' yahaan puuj buton ko
kyuun barahman-e-dair-o-kalisaa nahin honaa

gul baang thi gulon ki hamaaraa taraana thaa
apnaa bhi is chaman mein kabhi aashiyaana thaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

dil ko bahut aziiz hai aanaa basant kaa
'rahbar' ki zindagi mein samaanaa basant kaa

paighaam-e-lutf-e-khaas sunaanaa basant kaa
dariyaa-e-faiz-e-aam bahaanaa basant kaa

vaqt-e-rukhsat alvidaaa kaa lafz kahne ke liye
vo tire sukhe labon kaa thartharaanaa yaad hai

qudrat khudaa ki dekhiye pistaan-e-yaar mein
paivand faalse kaa lagaa hai anaar mein