paighaam-e-lutf-e-khaas sunaanaa basant kaa — Jitendra Mohan Sinha Rahbar

har samt sabza-zaar bichhaanaa basant kaa
phulon mein rang-o-bu ko luTaanaa basant kaa

tu ne hi rah na dikhaai to dikhaaegaa kaun
ham tiri raah mein gumraah hue baiThe hain

hai fahm us kaa jo har insaan ke dil ki zabaan samjhe
sukhan vo hai jise har shakhs apnaa hi bayaan samjhe

har shai mein har bashar mein nazar aa rahaa hai tu
sajde mein apne sar ko jhukaaun kahaan kahaan

mohabbat mein nahin hai ibtidaa yaa intihaa koi
ham apne ishq ko hi ishq ki manzil samajhte hain

qudrat ki barkatein hain khazaana basant kaa
kyaa khuub kyaa ajiib zamaana basant kaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

sitam hai sitam kaaba-e-dil kaa Dhaanaa
ye kyaa kar rahe ho ye kyaa ho rahaa hai

haath pistaan pe ghair kaa pahunchaa
aap bhi ab hue anaar-farosh

mujh ko paanaa hai to phir mujh mein utar kar dekho
yuun kinaare se samundar nahin dekhaa jaataa