bujh gayaa dil to kharaabi hui hai — Ibn

din ke bhule ko raat Dasti hai
shaam ko vaapsi nahin hoti

chaand kaa husn bhi zamin se hai
chaand par chaandni nahin hoti

likhne ko likh rahe hain ghazab ki kahaaniyaan
likkhi na jaa saki magar apni hi daastaan

husn banaa jab bahti gangaa
ishq huaa kaaghaz ki naav

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

zamin ki kokh hi zakhmi nahin andheron se
hai aasmaan ke bhi siine pe aaftaab kaa zakhm

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

har sadaa par lage hain kaan yahaan
dil sambhaale raho zabaan ki tarah

chang o nai rang pe the apne lahu ke dam se
dil ne lai badli to maddham huaa har saaz kaa rang

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

us vaqt dil pe kyunke kahun kyaa guzar gayaa
bosa lete liyaa to sahi lek mar gayaa