din ke bhule ko raat Dasti hai — Ibn

chaand kaa husn bhi zamin se hai
chaand par chaandni nahin hoti

likhne ko likh rahe hain ghazab ki kahaaniyaan
likkhi na jaa saki magar apni hi daastaan

husn banaa jab bahti gangaa
ishq huaa kaaghaz ki naav

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

zamin ki kokh hi zakhmi nahin andheron se
hai aasmaan ke bhi siine pe aaftaab kaa zakhm

ajiib baat hai kichaD mein lahlahaae kanval
phaTe puraane se jismon pe saj ke resham aae

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

vo aahu-e-ramida mil jaae tira-shab gar
kuttaa banun shikaari us ko bhanbhoD Daalun

rang ho raushni ho yaa khushbu
sab mein partav usi hasin ke hain

vasl ki raat jo mahbub kahe good night
qaaeda ye hai ki english mein duaa di jaae