vo mujhe dekh kar khamosh rahaa — Idris Babar

haath duniyaa kaa bhi hai dil ki kharaabi mein bahut
phir bhi ai dost tiri ek nazar se kam hai

aaj to jaise din ke saath dil bhi ghurub ho gayaa
shaam ki chaae bhi gai maut ke Dar ke saath saath

maut ki pahli alaamat saahib
yahi ehsaas kaa mar jaanaa hai

ab to mushkil hai kisi aur kaa honaa mire dost
tu mujhe aise huaa jaise corona mire dost

tu bhi ho main bhi huun ik jagah pe aur vaqt bhi ho
itni gunjaaishein rakhti nahin duniyaa mire dost!

tenshan se maregaa na corone se maregaa
ik shakhs tire paas na hone se maregaa

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ruuh kis mast ki pyaasi gai mai-khaane se
mai uDi jaati hai saaqi tire paimaane se

vo dard huun koi chaara nahin hai jis kaa kahin
vo zakhm huun ki hai dushvaar indimaal miraa

jaa paDe chup ho ke jab shahr-e-khamoshaan mein 'nazir'
ye ghazal ye rekhta ye sher-khvaani phir kahaan

sar paa-e-khum pe chaahiye hangaam-e-be-khudi
ru su-e-qibla vaqt-e-munaajaat chaahiye