kamaal-e-taalib-dun-e-dun hai pir-e-haram — Imdad Ali Bahr

kyaa hai mujhe dete ho gilauri
chune mein kahin na sankhiyaa ho

ek bosa miri tankhvaah mile na mile
aarzu hai ki na qadmon se ye naukar chhuTe

duniyaa mein 'bahr' kaun ibaadat-guzaar hai
saum-o-salaat daakhil-e-rasm-o-rivaaj hai

bhaTak ke koi gayaa dair ko koi kaabe
ajiib bhul-bhulayyaan hai marhala dil kaa

puchhe rindon se koi in muftiyon kaa jhuuT sach
do dalilon se ye kar lete hain daavaa jhuuT sach

nahin ji chaahtaa milne ko subuk-vazon se
kyaa karein ham jo mizaaj apnaa giraani maange

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

maarka garm to ho lene do khun-rezi kaa
pahle shamshir ke niche hamin jaa baiTheinge