anaa rahti thi pahle-pahl lekin — Inder Saraazi

baDi mushkil se bahlaayaa thaa khud ko
achaanak yaad teri aa gai phir

ab kisi kaam ke nahin ye rahe
dil vafaa ishq aur tanhaai

raaz-daan hote hain vo ghar aksar
jin gharon mein dhuaan nahin hotaa

jis kaa Dar thaa vahi huaa yaaro
vo faqat ham se hi khafaa niklaa

dukh udaasi malaal gham ke sivaa
aur bhi hai koi makaan mein kyaa

abhi to mausam-e-khizaan hai ye
khileinge phuul bhi bahaar ke saath

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

dil-e-vahshi ko khvaahish hai tumhaare dar pe aane ki
divaanaa hai va-lekin baat kartaa hai Thikaane ki

shaikh-ji ham to hain naadaan par use aane do
ham bhi puchheinge hui aap ki daanaai kyaa

aag kaa kyaa hai pal do pal mein lagti hai
bujhte bujhte ek zamaanaa lagtaa hai

duniyaa mein gharibon ko do kaam hi aate hain
khaane ke liye jiinaa jiine ke liye khaanaa