kaam aasaan kar diyaa jaae — Irfan Khan

zindagi ne ajab savaal kiye
raaegaan saari parchiyaan niklin

kabhi mauqe pe kaam aayaa karegi
kisi ke saath rakhiye dushmani bhi

ham ko darkaar ik tabib ki hai
aap aaein to ham bhi achchhe hon

un ko bhi apni jhurriyaan dikh jaaein
aainon ke bhi apne chehre hon

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

mohabbat phuul banne par lagi thi
palaT kar phir kali kar li hai main ne

kuchh aur vus'atein darkaar hain mohabbat ko
visaal-o-hijr pe daar-o-madaar mushkil hai

ghussa aataa hai pyaar aataa hai
ghair ke ghar se yaar aataa hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye