qayaamat ki dhamki 'azaabon kaa Dar — Irtiza Nishat

kursi hai tumhaaraa ye janaaza to nahin hai
kuchh kar nahin sakte to utar kyon nahin jaate

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

nahin milti unhein manzil jinhein khauf-e-havaadis hai
jo maujon se nahin Darte nadi ko paar karte hain

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

saath rakhiye kaam aaegaa bahut naam-e-khudaa
khauf gar jaagaa to phir kis ko sadaa di jaaegi

ban ke leader so rahe to zindagi kis kaam ki
amn qaaem ho gayaa to leaderi kis kaam ki