ik umr bhaTakte hue guzri hai junun mein — Jafar Tahir

arsa-e-zulmat-e-hayaat kaTe
ham-nafas muskuraa ki raat kaTe

tujhe bhi dekh liyaa ham ne o khudaa-e-ajal
ki teraa zor chalaa bhi to ahl-e-gham pe chalaa

jab bhi dekhi hai kisi chehre pe ik taaza bahaar
dekh kar main tiri tasvir puraani royaa

ai vatan jab bhi sar-e-dasht koi phuul khilaa
dekh kar tere shahidon ki nishaani royaa

aapas ki guftugu mein bhi kaTne lagi zabaan
ab doston se tark-e-mulaaqaat chaahiye

'taahir' khudaa ki raah mein dushvaariyaan sahi
ishq-e-butaan mein kaun si aasaaniyaan rahin

kam-umri mein sunet hain
mar jaate hain achchhe log

zindagi ke bahut qarib na jaa
faasla kuchh to apne dhyaan mein rakh

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

zindagi tu bhi hamein vaise hi ik roz guzaar
jis tarah ham tujhe barson se guzaare hue hain