apne diye ko chaand bataane ke vaaste — Jaleel 'Aali'

dil pe kuchh aur guzarti hai magar kyaa kiije
lafz kuchh aur hi izhaar kiye jaate hain

barg bhar baar mohabbat kaa uThaayaa kab thaa
tum ne siine mein koi dard basaayaa kab thaa

ham ki hain naqsh sar-e-reg-e-ravaank kyaa jaane
kab koi mauj-e-havaa apnaa nishaan le jaae

raasta sochte rahne se kidhar bantaa hai
sar mein saudaa ho to divaar mein dar bantaa hai

tumhaaraa kyaa tumhein aasaan bahut raste badalnaa hai
hamein har ek mausam qaafile ke saath chalnaa hai

raasta aage bhi le jaataa nahin
lauT kar jaanaa bhi mushkil ho gayaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

ham ne maanaa ki taghaaful na karoge lekin
khaak ho jaaeinge ham tum ko khabar hote tak

be-khudi be-sabab nahin 'ghaalib'
kuchh to hai jis ki parda-daari hai

khud ko kabhi na dekhaa aaine hi ko dekhaa
ham se to kyaa ki khud se naa-aashnaa rahaa hai