gham se ehsaas kaa aaina jilaa paataa hai — Javed Vashisht

aaj apne bhi paraae se nazar aate hain
pyaar ki rasm zamaane se uThi jaati hai

ye to vaqt vaqt ki baat hai hamein un se koi gila nahin
vo hon aaj ham se khafaa khafaa kabhu ham se un ko bhi pyaar thaa

dard ki aanch banaa deti hai dil ko iksir
dard se dil hai agar dard nahin dil bhi nahin

muddat se rahi farsh tiri raahguzar mein
tab jaa ke sitaaron se kahin aankh laDi hai

aankh uThaao to hijaabaat kaa ik aalam hai
dil se dekho to koi raah mein haail bhi nahin

vo jo daagh-e-ishq thaa khush-numaa jo amaanat-e-dil-e-zaar thaa
sar-e-bazm thaa to charaagh thaa sar-e-raah thaa to ghubaar thaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

nur-e-sahar kahaan hai agar shaam-e-gham gai
kab iltifaat thaa ki jo khu-e-sitam gai

mire aibon ko ginvaayaa to sab ne
kisi ne meri gham-khvaari nahin ki