dikhaai kyuun dil-e-vahshi ko chashm vo 'jurat' — Jurat Qalandar Bakhsh

Thahri thi ghizaa apni jo gham ishq-e-butaan mein
so aah hamaari hamein khuraak ne khaayaa

khaae so pachhtaae aur pachhtaae vo bhi jo na khaae
ye gham-e-ishq-e-butaan laDDu hai goyaa bor kaa

puchho na kuchh sabab mire haal-e-tabaah kaa
ulfat kaa ye samar hai natija hai chaah kaa

ik bosa maangtaa huun main khairaat-e-husn ki
do maal ki zakaat ki daulat ziyaada ho

allaah-re bhulaapaa munh dho ke khud vo bole
sungho to ho gayaa ye paani gulaab kyunkar

shaagird-e-rashid aap saa huun shaikh-ji saahib
kuchh ilm o amal tum ne na shaitaan mein chhoDaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ishq ki allaah re fitna-kaariyaan
paak-daaman chaak-daaman ho gae

gae the baalTi bharne pe un se ishq kar baiThe
ghaDe apne kisi masjid se bhar laate to achchhaa thaa

nigaah o dil ke paas ho vo meraa aashnaa rahe
havas hai yaa ki ishq hai ye kaun sochtaa rahe

iraada phir kisi se kar liyaa us ne mohabbat kaa
so ab ye dekhnaa hai kaun hai zad mein tabaahi ke