main apne dil ki kahtaa huun — Kaami Shah

diye ke aur havaaon ke maraasim khul nahin paate
nahin khultaa ki in mein se ye kis ki aazmaaish hai

faqat ghussa piye jaate hain roz o shab ke jhagDe mein
koi hangaama kar sakte jo vahshat raas aa jaati

main uDtaa rahtaa huun niile samundaron mein kahin
so titliyon ke liye khvaab laataa rahtaa huun

le uDaa hai tiraa khayaal hamein
aur ham qaafile se nikle hain

vaise tum achchhi laDki ho
lekin meri kyaa lagti ho

har ek gaam pe ranj-e-safar uThaate hue
main aa paDaa huun yahaan tujh se duur jaate hue

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai

pahli nazar bhi aap ki uff kis balaa ki thi
ham aaj tak vo choT hain dil par liye hue