charaaghon ke badle makaan jal rahe hain — Khumar Barabankavi

gham hai na ab khushi hai na ummid hai na yaas
sab se najaat paae zamaane guzar gae

ham pe guzraa hai vo bhi vaqt 'khumaar'
jab shanaasaa bhi ajnabi se mile

na to hosh se taaaruf na junun se aashnaai
ye kahaan pahunch gae hain tiri bazm se nikal ke

ye kahnaa thaa un se mohabbat hai mujh ko
ye kahne mein mujh ko zamaane lage hain

phuul kar le nibaah kaanTon se
aadmi hi na aadmi se mile

dushmanon se pashemaan honaa paDaa hai
doston kaa khulus aazmaane ke baad

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ai sakht-gir aandhi itnaa khayaal rakhnaa
ik dil bhi jal rahaa hai is baam par hamaaraa

ki dil ne dil-baraan-e-jahaan ki bahut talaash
kui dil-rubaa milaa hai na dil-khvaah kyaa kare

miraa khun-e-dil yuun bahaa dasht mein
ki jangal mein lohu ke thaale paDe

yuun mohabbat kaa badal kuchh bhi nahin
sochtaa huun itnaa haq de duun tumhein