bahut nuqsaan hotaa hai — Khurshid Talab

havaa to hai hi mukhaalif mujhe Daraataa hai kyaa
havaa se puchh ke koi diye jalaataa hai kyaa

koi charaag jalaataa nahin saliqe se
magar sabhi ko shikaayat havaa se hoti hai

roz divaar mein chun detaa huun main apni anaa
roz vo toD ke divaar nikal aati hai

hamein har vaqt ye ehsaas daaman-gir rahtaa hai
paDe hain Dher saare kaam aur mohlat zaraa si hai

miri mushkil miri mushkil nahin hai
vasila teri aasaani kaa main huun

havaa se kah do ki kuchh der ko Thahar jaae
khajil hamaari ibaarat havaa se hoti hai

jab ki pahlu se yaar uThtaa hai
dard be-ikhtiyaar uThtaa hai

baat aati hai doston ki jab
mujh ko dushman 'aziz lagte hain

samajhte hain sheron ko bhi narm chaara
ghazaalaan-e-shahri se hoshyaar rahnaa

ek 'arse ke baa'd main ne tumhein dekhaa hai
ek 'arse ke baa'd phir se mujhe pyaar huaa

yaaro nae mausam ne ye ehsaan kiye hain
ab yaad mujhe dard puraane nahin aate

yaar kisi ke gham mein tum mar jaaoge
aur usi din main paagal ho jaaungaa