saaqi ke aane ki ye tamannaa hai bazm mein — Khwaja Mohammad Wazir

yaar tanhaa ghar mein hai afsos lekin ham nahin
huur to hai gulshan-e-firdaus mein aadam nahin

phir vahi ham the vahi tum the mohabbat the vahi
sulh kar lete agar aankhein laDaane ke liye

yuun phir rahe hain jaise koi baat hi nahin
aaluda mere khuun se daamaan kiye hue

silsila rakhtaa hai meraa kufr kuchh islaam se
hain kai tasbih ke daane miri zunnaar mein

haath dikhlaa ke ye bolaa vo musalmaan-zaada
ho gayaa dast-e-nigar ab to barahman apnaa

sar miraa kaaT ke pachhtaaiyegaa
kis ki phir jhuTi qasam khaaiyegaa

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

isi hasrat mein kaTi raah-e-hayaat
koi do-chaar qadam saath chale

mai-e-kohna na sahi khun-e-tamannaa hi sahi
ek paimaana mire saamne laayaa to gayaa

tamannaaon mein uljhaayaa gayaa huun
khilaune de ke bahlaayaa gayaa huun

main muntazir huun teri tamannaa liye hue
aa jaa farogh-e-husn ki duniyaa liye hue

miri aarzu ki taskin na karam mein ne sitam mein
miraa dil mudaam tishna tiri rah ke pech-o-kham mein