khat likhaa yaar ne raqibon ko — Lala Madhav Ram Jauhar

haae main kis ko bataaun kaun dil ko le gayaa
shakl dekhi hai magar vaaqif nahin huun naam se

bhaanp hi leinge ishaara sar-e-mahfil jo kiyaa
taaDne vaale qayaamat ki nazar rakhte hain

ghairon se to fursat tumhein din raat nahin hai
haan mere liye vaqt-e-mulaaqaat nahin hai

laDne ko dil jo chaahe to aankhein laDaaiye
ho jang bhi agar to mazedaar jang ho

vahi shaagird phir ho jaate hain ustaad ai 'jauhar'
jo apne jaan-o-dil se khidmat-e-ustaad karte hain

naama-bar naa-umid aataa hai
haae kyaa sust paanv paDte hain

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zulf-e-barham ki jab se shanaasaa hui
zindagi kaa chalan mujrimaana huaa

ai adam ke musaafiro hoshiyaar
raah mein zindagi khaDi hogi

aap kaa koi safar be-samt be-manzil na ho
zindagi aisi na jiinaa jis kaa mustaqbil na ho