jise paDhaa nahin tum ne kabhi mohabbat se — Lata Haya

main to mushtaaq huun aandhi mein bhi uDne ke liye
main ne ye shauq ajab dil ko lagaa rakkhaa hai

log nafrat ki fazaaon mein bhi ji lete hain
ham mohabbat ki havaa se bhi Daraa karte hain

qismat ajiib khel dikhaati chali gai
jo hans rahe the un ko rulaati chali gai

tirgi khaamushi bebasi tishnagi
hijr ki raat mein khaamiyaan khaamiyaan

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

jo tiir aayaa gale mil ke dil se lauT gayaa
vo apne fan mein main apne hunar mein tanhaa thaa

kuchh khud bhi huun main ishq mein afsurda o ghamgin
kuchh talkhi-e-haalaat kaa ehsaas huaa hai

tahzib ke libaas utar jaaeinge janaab
dollar mein yuun nachaaegi ikkisvin sadi