ham kai roz se be-vajh bahut khush hain chalo — Manmohan Talkh

kisi ke saath na hone ke dukh bhi jhele hain
kisi ke saath magar aur bhi akele hain

main khud mein gunjtaa huun ban ke teraa sannaaTaa
mujhe na dekh miri tarah be-zabaan ban kar

baar-haa khud pe main hairaan bahut hotaa huun
koi hai mujh mein jo bilkul hi judaa hai mujh se

duniyaa meri zindagi ke din kam karti jaati hai kyuun
khuun pasina ek kiyaa hai ye meri mazduri hai

har shakl rafta rafta anjaan ho gai hai
mushkil thi jo bhi jis ki aasaan ho gai hai

shikaayat aur to kuchh bhi nahin in aankhon se
zaraa si baat pe paani bahut barastaa hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr hi teri guzar jaaegi un ke hal mein
teraa bachcha jo savaalaat liye baiThaa hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne