chalo ham bhi vafaa se baaz aae — Mazhar Imam

aap ko mere taaaruf ki zarurat kyaa hai
main vahi huun ki jise aap ne chaahaa thaa kabhi

ek main ne hi ugaae nahin khvaabon ke gulaab
tu bhi is jurm mein shaamil hai miraa saath na chhoD

safar mein achaanak sabhi ruk gae
ajab moD apni kahaani mein thaa

jab ham teraa naam na leinge
vo bhi ek zamaanaa hogaa

vo meraa jab na ho sakaa to phir yahi sazaa rahe
kisi ko pyaar jab karun vo chhup ke dekhtaa rahe

doston se mulaaqaat ki shaam hai
ye sazaa kaaT kar apne ghar jaaungaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

main hikaayat-e-dil-e-be-navaa mein ishaarat-e-gham-e-jaavidaan
main vo harf-e-aakhir-e-motabar jo likhaa gayaa na paDhaa gayaa

main ujaale ko mohabbat kaa khudaa likhtaa huun
vo andhere hi se maanus huaa jaataa hai

hijr mein itnaa khasaara to nahin ho saktaa
ek hi ishq dobaara to nahin ho saktaa

bichhaDne kaa iraada hai to mujh se mashvara kar lo
mohabbat mein koi bhi faisla zaati nahin hotaa