rahbar bhi ye hamdam bhi ye gham-khvaar hamaare — Mohammad Asadullah

ik dandanaati rail si umrein guzar gaiin
do pTriyon ke beach vahi faasle rahe

mahak uThi hai fazaa pairahan ki khushbu se
chaman dilon kaa khilaane ko eid aai hai

ai jaate baras tujh ko saunpaa khudaa ko
mubaarak mubaarak nayaa saal sab ko

aab-dida huun main khud zakhm-e-jigar se apne
teri aankhon mein chhupaa dard kahaan se dekhun

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jis sadi mein vafaa kaa chalan hi nahin
ham banaae gae us sadi ke liye

ranj-o-gham aur alam-o-dard kaa lashkar nikle
ishq to tab hai jab aankhon se samandar nikle

yuun to ashkon se bhi hotaa hai alam kaa izhaar
haae vo gham jo tabassum se ayaan hotaa hai