shaakh mein gul ki nazaakat ye baham pahunchi hai — Mohammad Rafi Sauda

ammaame ko utaar ke paDhiyo namaaz shaikh
sajde se varna sar ko uThaayaa na jaaegaa

kis munh se phir tu aap ko kahtaa hai ishq-baaz
ai ru-siyaah tujh se to ye bhi na ho sakaa

firaaq-e-khuld se gandum hai sina-chaak ab tak
ilaahi ho na vatan se koi gharib judaa

'saudaa' se shakhs ke taiin aazurda kijiye
ai khud-parast haif nahin tu vafaa-parast

ishq se to nahin huun main vaaqif
dil ko shoala saa kuchh lipaTtaa hai

ye to nahin kahtaa huun ki sach-much karo insaaf
jhuTi bhi tasalli ho to jiitaa hi rahun main

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

gul kiyaa jis ne vo thaa aur magar
shama ne shikva havaaon se kiyaa

husn o ishq ki laag mein aksar chheD udhar se hoti hai
shama ki shoala jab lahraai uD ke chalaa parvaana bhi

avval-e-shab vo bazm ki raunaq shama bhi thi parvaana bhi
raat ke aakhir hote hote khatm thaa ye afsaana bhi