daaman se vo ponchhtaa hai aansu — Mohsin Kakorvi

dekhiye hogaa shri-krishn kaa darshan kyun-kar
sina-e-tang mein dil gopiyon kaa hai bekal

sunaa hai mohtasib bhi taak mein hai dukhtar-e-raz ki
ilaahi rakh le tu hurmat sharaab-e-arghavaani ki

raakhiyaan le ke silonon ki barahman niklein
taar baarish kaa to TuuTe koi saaat koi pal

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

husn jalva dikhaa gayaa apnaa
ishq baiThaa rahaa udaas kahin

main ne apni palkon par gham-kade sajaae hain
aarzu ke maatam mein sogvaar hasti hai