agar hon kachche gharondon mein aadmi aabaad — Muneer Niyazi

meri saari zindagi ko be-samar us ne kiyaa
umr meri thi magar us ko basar us ne kiyaa

sukhan mein sahl nahin jaan nikaal kar rakhnaa
ye zindagi hai hamaari sambhaal kar rakhnaa

shaayad ki khudaa mein aur mujh mein
ik jast kaa aur faasla hai

tum ham-safar hue to hui zindagi aziiz
mujh mein to zindagi kaa koi hausla na thaa

jis ko milnaa nahin phir us se mohabbat kaisi
sochtaa jaaun magar dil mein basaae jaaun

ik tez raad jaisi sadaa har makaan mein
logon ko un ke ghar mein Daraa denaa chaahiye

chaand ne taan li hai chaadar-e-abr
ab vo kapDe badal rahi hogi

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

tiri abru hai mehraab-e-mohabbat
namaaz-e-ishq mere par hui farz

pyaaso raho na dasht mein baarish ke muntazir
maaro zamin pe paanv ki paani nikal paDe